Izel, izel, izel emañ ar c'houmoul yen a-us d'armor louet
Evel ur marc'h o c'haloupat e oa an avel kriz, glas ha kalet
Ha te martelodez yaouank, pesketourez miz Genver
Setu va daouarn ruz da droc'han, ha dommañ war da vruched gwenn
Ni a sell ouzh an heol
Bangor, Deinowen, Hannover, Ljouwert, Naoned
Kerioù bras o treiñ war ur voullenn drubuilhet va hini
Evel bigi bihan stoket distoket evel bili bihan e-kreiz tonnoù didruez
Sank mat da voned stamm, chom stag mat ouz ar stur, reuz a vo fenoz
Ni a sell ouzh an heol
Bleunioù war daol ar gegin ha c'hwitell ar gitell, heol war an doubier
Ar c'habiten a zo skuizh o arvestiñ filmoù ijinet e yaouankiz
Astennet war ar bratell e sellomp ouzh koroll ar c'houmoul o tremen diroll
Araok goubanner noz e vi un alarc'h meur war boent mont kuit davet ar mor.
Evel ur marc'h o c'haloupat e oa an avel kriz, glas ha kalet
Ha te martelodez yaouank, pesketourez miz Genver
Setu va daouarn ruz da droc'han, ha dommañ war da vruched gwenn
Ni a sell ouzh an heol
Bangor, Deinowen, Hannover, Ljouwert, Naoned
Kerioù bras o treiñ war ur voullenn drubuilhet va hini
Evel bigi bihan stoket distoket evel bili bihan e-kreiz tonnoù didruez
Sank mat da voned stamm, chom stag mat ouz ar stur, reuz a vo fenoz
Ni a sell ouzh an heol
Bleunioù war daol ar gegin ha c'hwitell ar gitell, heol war an doubier
Ar c'habiten a zo skuizh o arvestiñ filmoù ijinet e yaouankiz
Astennet war ar bratell e sellomp ouzh koroll ar c'houmoul o tremen diroll
Araok goubanner noz e vi un alarc'h meur war boent mont kuit davet ar mor.