k Heb zeubranden, k heb koeskillen Lyrics

Man, man, man, wat 'n boudel...!

k Heb zeubranden,
k Heb koeskillen,
k Heb pien in de kop.
Wie zitten hier in t duuster,
Zonet knapt n stop.
d'Ol honer binnen aan t ruden,
En mien schoonmoe het net beld,
Zai zit mit heur liekdoorns,
En ik bin vergreld.

Wat mouvve, wat douvve,
Zunder stroom hier in hoes
Wie goanen noar de buren,
Dij binnen altied thoes.
En as ze t nait goud vinden,
Din pleeg ik n moord,
k Mis laiver de kraant,
Dan mien Radio Noord.
k Mis laiver de kraant,
Dan mien Radio Noord.

Moi buurman, moi buurvrouw,
Bie ons knapte n stop.
Ie zitten toch te luustern,
Schoot mie deur de kop.
Ik bin tiepelzinneg,
En Gittje is van de koart.
k Mis laiver de kraant,
Dan mien Radio Noord.
k Mis laiver de kraant,
Dan mien Radio Noord.
'Man, man, man, wat 'n boudel...'

As hier n schoal nit yoghurt staait...

As hier n schoal mit yoghurt staait,
En doar de krentjebrij,
Din wait ik nait wa'k kaizen mout,
Want 'k hol van alle twij.

As hier n zoere heern ligt,
Doar staait de schoal genoat,
Din wait ik nait wa'k kaizen mout,
Mit baaide wait k wel road.
n Olderwetse leverworst,
Of n lekker stukje spek,
Din wait ik nait wa'k kaizen mout,
Op baaide bin ik gek.

n Mooie vrouw mit n hail bult geld,
Of dij nou leeft mit mie,
Din wait ik wat ik kaizen mout,
Geef mie din moar Marie.

Doar zitve din op zotterdag,
Mit kovvie, kouk of toart,
Din is t veur ons gain Hilversum,
Mor din is t Radio Noord.
Doar zitve din op zotterdag,
Mit kovvie, kouk of toart,
Din is t veur ons gain Hilversum,
Mor din is t Radio Noord.
Radio Noord!