Het het nog nooit zo donker west Lyrics

Ze woonden soamen in n hoeske
Zai was wat stief van rummetiek
Toch konden ze zok hail nuver redden
In t leutje hoeske achter diek
De kinder waren al laank de deur oet
Toch kwamen ze voak nog op t ol-stee
En mainsttieds hadden ze t over vrouger
Din wizzen z' apmoal wat e zee

refrien:
t Het nog nooit, nog nooit zo donker west
Of t wer altied wel weer licht

Zes hounder en n olle sege
n Swien op t hok en n kaampke laand
En twijmoal doags even over t loantje
En din huil opoe hom bie d'haand
Zien haile leven haar e aarbaid
En moeke mit acht kinder thoes
Bie zummerdag hail vroug aan t maaien
En pas om melkenstied bie hoes

(refrien)

Toun op n zundag in december
Krigt opa t zomor zo benaauwd
Zien dochter brengt hom din noar stad tou
Omdat ze t aiglieks nait vertraauwt
En aanderdoags is e overleden
t Het mie veur t olske zo begroot
Meschain was t beter andersom west
Want drij week loater was ze dood

(refrien twij moal)

De dood dat heb je nait veur t zeggen
Want baaide wollen ze geern geliek
Ze rusten zacht doar op t kerkhof
Vlak bie t hoeske achter diek

(refrien twij moal)