Donna nera Lyrics

Donna, donna
Di pelle difesa
Induve vai à rigiru di notte
In li pini, in li pini
La mio deda incesa
À u ventu di qualchì immense lotte.
Donna, donna
Di l'ochji à la luna
Dimmi tù qualchì verde campile
In le fole, in le fole
Di bona furtuna
Induve si dorme senza fucili.
Donna, donna
Di le to ferite
N'aghju fattu un cantu d'amore
Per i ghjorni, per i ghjorni,
Di e mosse tradite
Di turnà à imbelisce l'ore.

Donna, donna
Induve vai tù ?