Citadella da fà Lyrics

À mezu à la rena di u disertu
Nantu à una spianata è à l'apertu
Mediteghjalu puru u gestu offertu
Tù chì voli murà
A petra di l'avvene
Citadella da fà
Di speme per dumane.
U nimicu circonda li to lochi
È ne vedi ognitantu li so fochi
Chì ti facenu a spia s'è tù ghjochi
Tù chì voli pisà
A to casa di mane
Ùn ti manca da fà
Pè le strde suprane.
Chì tuttu hè scambiu èleia trà di noi
Trà la guerra è la pace ch'è tù godi
È capiscimi avale s'è tù poi
Tù chì voli sallà
L'amicizia di pane
Cù lu snague à metà
Di fraiata di cane.

Ti sente sopr'à l'osse a pelle macca
Quand'ì tù stringhji li to pugni in stacca
L'ochji fissi nant'à la negra tacca
Tù chì voli fighjà
U celu di dumane
È ci voli caccià tutte l'idee vane.
Ma dorme ùn poi più, ùn dorme mai !
È rifletti à quesse la veritai
Chì t'avvinghjeranu tantu oramai
Tù chì voli crepà
Tutte le forze arcane
Quelle di l'aldilà
Inseme à le terrane.