da gruch in da frua bei da hoftür untn
wo's radl steht und s moped
is wia glänzende wiesn in da frua
is a klingendes metall in da frua
und aussi durch gras rennst blossfüaßig
zu di ribisel hin zu de haselnußstaudn
beim walnußbam do host dei mahl
an frischn apfel und a nuss
und unta de stana im gartn
san goldlaufkäfer und regenwürm
siachst de moos aufm dach von da ladenhüttn
beim kriecherlbam, kost' nagowitzerbirn
beim küahhiatn findst auf da wiesn nebm
a lackn in der klane viecher lebm
de ma erst siacht wenn ma lang, lang einischaut
hörst den michl mit sich selber redn ban brunnen draußt
beim brunnentrog und den schneiber fentl siachst mitn hund spazierngehn
"kim her rolferl, kim her hiaz is er scho so eingwochsn
hiaz gib i'n neahma her"
beim liegn in da sommerwiesn
wannst letzter bist auf da schiwiesn draußt
wird alls so nüchtern und so klar
und deine stumman vaschwörungen bruatst do aus
es is da phlox vorm haus
die pfingstrosen des milchholengehn auf d' nacht
da gruch in da selch, in da speis, in da holzlag
des läutengehn, die maiandacht
da gschmack von erdäpfeln bratn im krautfeuer
es is das mühelose wegfedern wannst anfangst zum rennen
wo's radl steht und s moped
is wia glänzende wiesn in da frua
is a klingendes metall in da frua
und aussi durch gras rennst blossfüaßig
zu di ribisel hin zu de haselnußstaudn
beim walnußbam do host dei mahl
an frischn apfel und a nuss
und unta de stana im gartn
san goldlaufkäfer und regenwürm
siachst de moos aufm dach von da ladenhüttn
beim kriecherlbam, kost' nagowitzerbirn
beim küahhiatn findst auf da wiesn nebm
a lackn in der klane viecher lebm
de ma erst siacht wenn ma lang, lang einischaut
hörst den michl mit sich selber redn ban brunnen draußt
beim brunnentrog und den schneiber fentl siachst mitn hund spazierngehn
"kim her rolferl, kim her hiaz is er scho so eingwochsn
hiaz gib i'n neahma her"
beim liegn in da sommerwiesn
wannst letzter bist auf da schiwiesn draußt
wird alls so nüchtern und so klar
und deine stumman vaschwörungen bruatst do aus
es is da phlox vorm haus
die pfingstrosen des milchholengehn auf d' nacht
da gruch in da selch, in da speis, in da holzlag
des läutengehn, die maiandacht
da gschmack von erdäpfeln bratn im krautfeuer
es is das mühelose wegfedern wannst anfangst zum rennen