Mer trecke op d'r Mond Lyrics

Mer trecke op d'r Mond

Jo wat hät mer op d'r Äd
jeder arbeid wie e Päd
un am Engk d'r Woch, do bliev dir nix
Kannste maache, wie du wells
wann de op d'r Kopp dich stells
küss nit mol zo einem Dösje Wix

"Hürens" saach ich für et Bell
mach ens Schluss un bes ens still
denn ich han en jot Idee:

Flöck die Saache injepack
die Klamotte en d'r Sack
denn mer blieve nit mih he
Mer trecke op der Mond, mer trecke
do treffe sich die Vollmondsjecke
do läävste wie em Paradies
un Samsdaachs weed d´r Mond jewieß

Unsre Kejelclub is stolz
nennt sich "Plaateköpp- jot Holz"
Un die hatte sich jet üvverlaat

Für die neuste Mondraket
woote Kaate reserveet
un se mahte met die eezte Fahrt
Endlich kom dä Daach eran
alles kom in Jala an
un sojar der Käjeljung

Und auf einem freien Feld
die Raket wood opjestallt
un der Kejelclub, dä sung:
Mer trecke op der Mond...

Fleech mich op d´r Mond, ich will wisse wä do wunnt
wä mäht et Leech do an, dat ich dich bütze kann

Mer trecke op der Mond...