(So oaner muaß ja) hi wera Lyrics

1. Um hålber zwoa die Nocht, då isch er no am Weg,
des Bier, des er so sauft, des füllt drei Brunnatög!
Zwoa Packla Tschigg am Tåg, dia håt er scho gepafft.
Und voller Bluat da Grindt, weil er so gera rafft!
So oaner muaß ja hi wera!
2. O in der Liebe da isch er a ganz a Schlimmer,
bei Nåcht und Nebel klettert er zu ihr ins Zimmer!
Då isch ihr Vater kennt, und er isch schnall davo,
blos in der Unterhosa steaht er am Balkon!
So oaner muaß ja hi wera!

B: Wer olba gånz friah schloufa geaht
und blos Kamillatee trinkt.
Wer olba keusch zur Seita luagt,
wenn ihm die Liebe winkt.
Wer olba brav und fleiß isch,
i såg enk des it gera -
doch o so oaner muaß amål hi wera!
3. Bei jeder Jet-Set-Party, då isch er dabei,
wenn er a Jointerl kriagt, des nimmt der Esel glei!
Und irgendwenn håt oaner gsaht: Wer schnupft isch in!
Ihm frißt´s scho s´Hira weck, vur lauter Cocain!
So oaner muaß ja high wera!
4. Trifft inser Erde mål auf den Planetn Mars.
Der frågt: "Geaht´s guat?" und sie saht blos: "Jå, jå, schea war´s!
I hån gråd Menschheitsphase - des isch a Plågerei!"
Doch der Mars, der tröstet sie und saht: "Des geaht vorbei!"
Weil so oaner muaß ja hi wera!