Da isch doch eppas faul Lyrics

1. Mei Leba lång scho fråg i mi,
mei Leba lång scho plåg i mi
mit a poor Såcha, dia hålt überhaupt it logisch sei.
Då bugglsch du dei Leba lång, doch des Gald,
des kriagsch, des brauchsch du dann,
um dia Folga zu kuriera vo der gånza Plågerei!
Und unter´m Strich, då bleibt dir nocha Null-Komma-Nix,
nur a Körper der sich wehrt, jå des isch fix!
Ref.: He du, då isch doch eppas faul, då isch doch eppas oberfaul!
Då isch a Fahler im System, und i tat souga, des isch a Problem.
So geaht´s it weiter, na do fliaga mir aufs Maul!
He du, då isch doch eppas faul! Oberfaul!
2. Den Plåtz, då wo ma leba söll,
verbraucht ma leider viel zu schnell,
doch die Wirtschåft, dia muaß wåchsa,
so måcht ma sich sei Hoamat hi.
Und mit dem dreckverschmierta Gald,
da fliagt ma nocha weck in a heile Walt,
des isch koa Urlaub mehr, des isch a Flucht und wird zur Sucht.
Und unter´m Strich, då bleibt ins nocha Null-Komma-Nix,
nur a Umwelt die sich wehrt, jå des isch fix!
Na, na, na - für enkern Wahnsinn geba mir ins numma her,
weil enker Wahnsinn, der will olba mehr.
Na, na, na - und überleba tuat blos des, wås greaßer wird,
des isch a Weg, der i´s Unglück führt!
Na, na, na - ja es werat scho no merka - irgendwånn,
daß ma´s Gald hålt it essa kånn!