Lück wie ich un du Lyrics

Wä kennt en nit dä dolle Kähl,
Der in dr Weetschaff steht,
Nur jroße Spröch am kloppe es,
Wie joot et em doch jeit.
3080 Mark em Mont sin netto bei ihm drinn
Ach Daach fürm näxte Etze dann
Löt hä sich nit mih sin
Dat sin die Lück
Die künne nix doför,
Doch steck nit och e janz klei Stück
Davon in dir un mir?
Muzupuckel, Affjebröhte, Schlofmötz und Filou
Schluffe, Streuer, Klatschtant, Kötter
Lück wie ich un du!

Wä kennt en nitt, dä jode Fründ,
Dä alles bruche kann?
Dö zo dir kütt und du fröchs dich
Wat will dä widder han?
Und hätt hä dann jet affjestaub,
Du freust dich, dat hä jeit
Bedank hä sich, versprich dat hä
Bahl widderkomme wäd.
Dat sin die Lück
Die künne nix doför,
Doch steck nit och e janz klei Stück
Davon in dir un mir?
Muzupuckel, Affjebröhte, Schlofmötz und Filou
Schluffe, Streuer, Klatschtant, Kötter
Lück wie ich un du!
Wä kennt se nit, die nette Nohbarsfrau vun nevveahn,
Die morjens hingerm Fenster steht und sät:
"Nö süch ens an!"
Die spätestens um 11 Uhr weiss,
Wat mir ze Middach han
Und janz jenau verzälle kann,
Wie off der Meier kann...

Dat sin die Lück
Die künne nix doför,
Doch steck nit och e janz klei Stück
Davon in dir un mir?
Muzupuckel, Affjebröhte, Schlofmötz und Filou
Schluffe, Streuer, Klatschtant, Kötter
Lück wie ich un du!