Mon Royom Lyrics

Dan mon tèt mwin la vi in royom

Papa lo rwa momon la renn
Dan mon tèt dan mon tèt in royom

Ti prins maronèr port in kouronn po lo pèp

Mwin noré vouli momon mwin noré vouli

Té ou la renn papa mésié lo rwa

Mwin noré émé po nou mwin noré émé

War lo rwa la renn gouvern nout péi

Wi papa la di momon

Dann karo galabèr la na fé nout sato

Momon la di papa

Na fé koul gran kanal po aroz nout péi

Lo rwa la di la renn

Bèf kabri sa i mank arpa nou

La renn réponn ali

Ti somin gran somin na diriz nout bato

Mwin noré vouli momon mwin noré vouli
War mon zanfan inn ti prins maronèr

Li noré raport po nou in kouronn po momon papa

Po dévlop nout nasyon

Wi papa la di momon

Dési pié flanbwayan la na is nout drapo

Momon la di papa

Soley lamour va briye po tout domoun

Lo rwa la di la renn

Bonèr lo kèr sa i mank arpa nou

La renn réponn ali
Ti somin gran somin fon ou lèv nout koko

Kriké la renn kraké mésié lo rwa

Zistwar lontan zistwar toultan

Dann mon tèt in royom (bis)

Dan mon tèt, dan mon tèt, dan mon tèt in royom (4 bis)

Mwin noré vouli momon té ou la renn papa mésié lo rwa

Mwin noré émé po nou mwin noré émé

War papa diriz nout bato

Wi papa la di momon

Dann karo galabèr la na fé nout sato

Dési pié flanbwayan la na is nout drapo

Ti somin gran somin na diriz nout bato

Ti somin gran somin fon ou lèv nout tèt

Parol ek mizik : Thierry GAULIRIS