Zeitverschwendung Lyrics

Immer noch dä Wahnsinn,
dat du mich dann noch bemerk häss.
Immer noch erstaunlich,
dat ich dann och punkte kunnt.
Immer noch unglaublich,
wie dä Zofall metjespillt hätt
un du mich dann och noch
ir'dnwie verstundts.
Wat soll ich jrooß saare?
Et kütt halt manchmohl vüür,
dat ich dich ahnluhre,
schon ess et passiert,
dat ich mich beduhre,
weil jed' Stund ohne dich
eijentlich Zeitverschwendung ess.

Et ess wirklich irre,
wat mir zwei nit all erlääv hann.
Och dä Jäjewind,
dä aff un zo entjäjeblöös.
Häss mich nie verleuchnet.
Häss ahn mich jejläuv.
Vüür allen Dingen dann,
wenn ich selvs nit wigger weiss.
Wat soll ich jrooß saare?
Et kütt halt manchmohl vüür,
dat ich dich ahnluhre,
schon ess et passiert,
dat ich mich beduhre,
weil jed' Stund ohne dich
eijentlich Zeitverschwendung ess.
Deshalv saach ich dir:
Et weed keine Moment mieh versäump!
Je'nfalls nit ohne Jrund,
weil jed' Sekund ohne dich
Zeitverschwendung ess.

Noh dreimohl zehn Johre
steht zweierlei fest:
Kein Reklamatione
un halt, dat jed' Sekund ohne dich
Zeitverschwendung ess.