Noh Gulu Lyrics

Die, die Jlöck hann, jonn enn Flip-Flops,
All die andre 'p bläcke Fööß,
Su wie Jimmy un Rebekka,
Die met zwölf längs alles weiß,
Met 'ner Deck un ener Strühmatt
Und dä Hoffnung op en sechere Naach.
Et sinn sibbe Kilometer
Vun doheim bess noh Gulu.
Ohne Eldre, jede Ohvend,
Jimmy kennt dat nur esu,
Ahn dä Hand der jrooße Schwester,
Sick e' selver laufe kann, noh Gulu.

Noh Gulu, noh Gulu, noh Gulu,
Für 'n sechere Naach.
Noh Gulu, noh Gulu, noh Gulu,
Für 'n sechere Naach.
Övverall he, bess noh Kitgum,
Lieje Felder nur noch brach,
Weil uss Angs vüür Minschemetzjer
Met Machete keiner waach,
Jet zo pflanze, jet zo säe,
Dat hätt Joseph Kony selvs ungersaach.

Durchjeknallte Killerhorde
Jeilen sich op ahn Jewalt,
Verjewalt'je, brenne, morde
Un entführe Naach für Naach
Pänz, die't nit bess Gulu schaffe,
Öm zo schloofe, vun Soldate bewach.
Do, op dä Finsterbank, die Trommel
Met dämm Kohfell, brung un wieß,
Ess e' Souvenir uss Gulu,
Dat daachdäächlich zo mir sprich.
Miehstens ohvends enn dä Dämmerung,
Eh die Naach kütt, Jimmy,
Sinn ich üch om Wääsch

Noh Gulu, noh Gulu, noh Gulu,
Noh Gulu,
Noh Gulu, noh Gulu, noh Gulu,
Für 'n sechere Naach.