Supermann ess hellwach, ess jetz ald die dritte Naach,
dat e' kei Aug zojemaat, ewig nit em Bett.
Nirjendwo un övverall, plappert wie 'ne Wasserfall,
övverdrieht un durchjeknallt: ... checke, wat affjeht..."
Kleopatra waat duudmööd ahn dä Rezeption,
et deit ihr alles wieh, Uhreping un Bloot em Schoh.
Un Mona Lisa jrins, als ob et irj'ndjet wöös,
jedenfalls mieh als all die tätowierte Schöss.
Kaum noch zo erdraare, Schnieh jeschöpp wie nie.
Kein Substanz un keine Tropfen mieh!
"Hey, do vörre, wiggerjonn! Och du met dä Dornekron,
dat ess he kein Prozession, da' 'ss en Jeisterbahn!"
Opjekratz, ussjeflipp, ungerwähß om Horrortrip.
Ruude Funke, Dschungelbrööder un dä Ku-Klux-Klan.
Dä Kaiser dräät neu Kleider, nä, dat ess jar kein Frooch.
Die stonn ihm unwahrscheinlich - "alle Steine fleejen hoch!"
Et räänt Kamelle. Vun Pinocchios Balkon
wink, enn 'ner Gala-Uniform, Napoleon.
Leopardefellbozz, Kajal, Minipli.
Kein Substanz un keine Tropfen mieh!
Casanova, Don Quijote, Tarzan, Elvis sinn bankrott.
Paternoster zum Schaffott, et ess koot noh vier.
Hannibal un Attila zänke sich öm Afrika,
Asien un Europa rigg op enem Stier.
Daisy Duck op Stelze, Slapstick-Rodeo.
Die Band spillt unverfälschte Bloosmusik uss Jericho.
Wer op sich hält, dä drink Absinth un rauch Zijar,
die Lorelei danz ahn der Stang zo "Wunderbar".
Winnetou fährt Skateboard, Goofy Wasserski.
Kein Substanz un keine Tropfen mieh!
Belsazar rejistriert die Flamme ahn der Wand
un säät: "Ach so, deshalv rüsch et he ahnjebrannt."
Romeo söök Julia un e' Alibi.
Kein Substanz un keine Tropfen mieh!
dat e' kei Aug zojemaat, ewig nit em Bett.
Nirjendwo un övverall, plappert wie 'ne Wasserfall,
övverdrieht un durchjeknallt: ... checke, wat affjeht..."
Kleopatra waat duudmööd ahn dä Rezeption,
et deit ihr alles wieh, Uhreping un Bloot em Schoh.
Un Mona Lisa jrins, als ob et irj'ndjet wöös,
jedenfalls mieh als all die tätowierte Schöss.
Kaum noch zo erdraare, Schnieh jeschöpp wie nie.
Kein Substanz un keine Tropfen mieh!
"Hey, do vörre, wiggerjonn! Och du met dä Dornekron,
dat ess he kein Prozession, da' 'ss en Jeisterbahn!"
Opjekratz, ussjeflipp, ungerwähß om Horrortrip.
Ruude Funke, Dschungelbrööder un dä Ku-Klux-Klan.
Dä Kaiser dräät neu Kleider, nä, dat ess jar kein Frooch.
Die stonn ihm unwahrscheinlich - "alle Steine fleejen hoch!"
Et räänt Kamelle. Vun Pinocchios Balkon
wink, enn 'ner Gala-Uniform, Napoleon.
Leopardefellbozz, Kajal, Minipli.
Kein Substanz un keine Tropfen mieh!
Casanova, Don Quijote, Tarzan, Elvis sinn bankrott.
Paternoster zum Schaffott, et ess koot noh vier.
Hannibal un Attila zänke sich öm Afrika,
Asien un Europa rigg op enem Stier.
Daisy Duck op Stelze, Slapstick-Rodeo.
Die Band spillt unverfälschte Bloosmusik uss Jericho.
Wer op sich hält, dä drink Absinth un rauch Zijar,
die Lorelei danz ahn der Stang zo "Wunderbar".
Winnetou fährt Skateboard, Goofy Wasserski.
Kein Substanz un keine Tropfen mieh!
Belsazar rejistriert die Flamme ahn der Wand
un säät: "Ach so, deshalv rüsch et he ahnjebrannt."
Romeo söök Julia un e' Alibi.
Kein Substanz un keine Tropfen mieh!