Saderaladon Lyrics

En mai au douz tens nouvel,

que raverdissent prael,
oi sor un arbroisel

chanter le rosignolet.

Saderaladon, tan bon fet

dormir lez le buissonet.

Si com g'estoie pensi,

lez le buissonet m'a**is,

un petit m'i endormi

au douz chant de l'oiselet.

Saderaladon, tan bon fet

dormir lez le buissonet.
Au resveillier que je fis,

a l'oiselet criai merci,

qu'il me doint joie de li,

s'en serai plus jolivet.

Saderaladon, tan bon fet

dormir lez le buissonet.

Et quan je fui sus levez,

ci commenz a citoler
et fis l'oiselet chanter

devant moi el praelet.

Saderaladon, tan bon fet

dormir lez le buissonet.

Li rossignolet disoit,

par un pou qu'il n'enrajoit

du grant duel, que il avoit,

que vilains l'avoit oi.

Saderaladon, tan bon fet

dormir lez le buissonet.