Läbsch di Troum? Lyrics

1.
Aues louft nach Plan,
bi wie immer pünktlech da.
Mi Tag faht a,
wie`ne Geschter scho ha gha.
Nüt wirft mi us dr Bahn,
aus isch schön strukturiert.
Has kappiert,
so wärde Chöle generiert.

Bridge:
U itz finge i mi wider,
s`git öpis womi plagt.
Mängisch isch mer aues z`wider,
u dr inner Souhung fragt:

Ref:
Säg läbsch du di Troum,
wos ke Gränze me git?
Oder verfolgt di das Gfüel,
du loufisch mit?

Säg läbsch du di Troum,
weisch genau wo du steisch?
oder weisch nüm wie`d witer geisch?

2.
Itz ligi eifach da,
la aus emau la si.
Aus geit verbi,
nume d`Frag wo i bi gsi.

S`git viu woni scho ha,
u mängs woni no wett.
Was jede het,
sogar dä Souhung wo da redt.
Ref:
Säg läbsch du di Troum,
wos ke Gränze me git?
Oder verfolgt di das Gfüel,
du loufisch mit?

Säg läbsch du di Troum,
weisch genau wo du steisch?
oder weisch nüm wie`d witer geisch?

B-Teil:
Aues blibt bim Aute,
u glich isch aues nöi.
Jede Tag nöii Ziel,
jede Tag nöii Tröim.
Mir gö so wit,
das mer z`Liecht im Tunnu nüme gseh.
Mir hätte doch aues,
u glich wei mer meh.
Mir si gfange i dr Zyt,
wüsse nüme was mer wei,
wüsse nüme was mer sötte,
u scho gar nid was mer chöi.
Mir luege nüme use,
häbe d`Neugier im Zoum.
Mach di ändlech frei,
u läb di Troum!
Ref:
Säg läbsch du di Troum,
wos ke Gränze me git?
Oder verfolgt di das Gfüel,
du loufisch mit?

Säg läbsch du di Troum,
weisch genau wo du steisch?
oder weisch nüm wie`d witer geisch?

Säg läbsch du di Troum,
wos ke Gränze me git?
Oder verfolgt di das Gfüel,
du loufisch mit?

Säg läbsch du di Troum,
weisch genau wo du steisch?
oder weisch nüm wie`d witer geisch?

Läb di Troum,
u louf nid mit!
Aber läb di Troum mit jedem Schritt!
Mhhh, läb di Troum,
Mhhh, läb di Troum.
Läb di Troum!
S`geit immer witer.
U louf nid eifach mit!