曲：陳輝陽 文：陳慧 吟詠：李香琴
再見
唔好怪我第一句就同你講再見 因為我真係專情嚟同你道別咖
你知道我係邊個咖 不過你唔記得左之嘛
我記得你嘅 你總係笑瞇瞇咁望住我
你唔講嘢 淨係聽我講嘢
嗰陣時個世界好安靜咖 無而家咁嘈
襯得我特別吱喳 特別開心
我記得你隻手......掃過我背脊嘅感覺
我記得同去睇影畫戲 你會喺我耳仔邊講嘢
你講得好細聲 其實我一啲都聽唔清楚
不過 我好鍾意聽你咁樣同我講嘢
以後 再無人咁樣同我講嘢啦
我記得你好鍾意睇日落 睇完日落就去聽音樂會
我地又成日散步去食宵夜 個陣唔知點解
周不時都分唔清楚究竟係星期幾
日子好似唔會過去嘅 時間好似喺停咗落嚟咁
然後 忽然間 就發覺原來已經經過咗好多年
我記得 好痛 因為你話畀我知你要走喇
我無再睇過日落 亦都無再同人食宵夜
原來 難過嘅日子 一樣係好似唔會過去
然後 又係一眨眼 至發覺已經過咗好多年
我記得 你同我去過嘅每一個地方 我唔會再去咖
嗰啲茶座 舞廳同花園 而家係點 我唔知啦
嗰啲地方... 通通留喺我心裡面
不過 我知道 你唔記得咖嘞......
唔緊要 我一個人記住就得啦
我唔會講 我老喇 我只係會講 我喺度太耐
時間耐咗 難免知道人總會慢慢咁將過去淡忘
又會睇住啲嘢 無聲無息咁樣消失
我點解要走 怪我自己啦
我先兩日 唔知諗緊乜嘢 無端端走咗去睇日落
個日落就同我記得陪住你睇嗰個樣一樣
不過 就算我點樣裝出若無其事
我都冇辦法唔承認 我失去嘅嘢實在太多喇
我要走嘞 如果你記得返我係邊個
我知道 你一定會 好唔捨得我 仲會好掛住我咖
再見
再見
唔好怪我第一句就同你講再見 因為我真係專情嚟同你道別咖
你知道我係邊個咖 不過你唔記得左之嘛
我記得你嘅 你總係笑瞇瞇咁望住我
你唔講嘢 淨係聽我講嘢
嗰陣時個世界好安靜咖 無而家咁嘈
襯得我特別吱喳 特別開心
我記得你隻手......掃過我背脊嘅感覺
我記得同去睇影畫戲 你會喺我耳仔邊講嘢
你講得好細聲 其實我一啲都聽唔清楚
不過 我好鍾意聽你咁樣同我講嘢
以後 再無人咁樣同我講嘢啦
我記得你好鍾意睇日落 睇完日落就去聽音樂會
我地又成日散步去食宵夜 個陣唔知點解
周不時都分唔清楚究竟係星期幾
日子好似唔會過去嘅 時間好似喺停咗落嚟咁
然後 忽然間 就發覺原來已經經過咗好多年
我記得 好痛 因為你話畀我知你要走喇
我無再睇過日落 亦都無再同人食宵夜
原來 難過嘅日子 一樣係好似唔會過去
然後 又係一眨眼 至發覺已經過咗好多年
我記得 你同我去過嘅每一個地方 我唔會再去咖
嗰啲茶座 舞廳同花園 而家係點 我唔知啦
嗰啲地方... 通通留喺我心裡面
不過 我知道 你唔記得咖嘞......
唔緊要 我一個人記住就得啦
我唔會講 我老喇 我只係會講 我喺度太耐
時間耐咗 難免知道人總會慢慢咁將過去淡忘
又會睇住啲嘢 無聲無息咁樣消失
我點解要走 怪我自己啦
我先兩日 唔知諗緊乜嘢 無端端走咗去睇日落
個日落就同我記得陪住你睇嗰個樣一樣
不過 就算我點樣裝出若無其事
我都冇辦法唔承認 我失去嘅嘢實在太多喇
我要走嘞 如果你記得返我係邊個
我知道 你一定會 好唔捨得我 仲會好掛住我咖
再見