快樂的等待 Lyrics

作詞：伍佰　作曲：伍佰

一小時　妳應該還在甩香水點胭脂
二小時　妳說妳出門進前要喝咖啡
三小時　路裡在塞車真是足委屈妳
四小時　一定是手機沒電抹凍開機
我　尚甲意咧等妳　等著妳心情歡喜　連我吸的氣攏甜甜
五小時　妳今晚頭毛sedo一定真美
六小時　我嘛來點著一杯無糖咖啡
七小時　妳塞車生氣的嘴撇嘛真古椎
八小時　我想要替妳準備新的電池
我　尚甲意咧等妳　等著妳心情歡喜　連我做的夢攏甜甜

＃我攏在這　沒吹冷氣嘛未太熱
　一直在這　沒穿外衫嘛未畏寒
　等妳來這　不是約好要看電影
　甘說是我　日子記登誕
　我攏在這　愛妳的心火攏未發
　一直在這　有妳通想我就快活
　等妳來這　人攏走了只有剩我
　甘說是我　日子記登誕
九小時　妳甘會久不來走不對間去
十小時　妳大概當咧問人這是佗位
十一小時　透中午等到今嘛已經半暝
十二小時　我等這久嘛未來鬱卒空虛
我　尚甲意咧等妳　等著妳心情歡喜　連我酸的心攏甜甜
Repeat ＃

開門的聲　聲聲攏是美麗的歌
關門的聲　離我心愛愈來愈偎
時鐘的聲　十二點鐘快樂的折磨
甘說是妳　完全不知影

走路的聲　聲聲攏是美麗的歌
停車的聲　離我心愛愈來愈偎
時鐘的聲　十二點鐘快樂的折磨
甘說是妳　不知我的名