Imago Lyrics

Uf blutte Füess isch si i ds` Zimmer cho
u ds Härz im Hals - ab da gseht si scho
die dunkle Ouge si voller Hunger
voll vo Gwunder u viel meh
Da fallt ihre es Stückli Glas i d`Hang
Irgend e Spiegel mit mängem Sprung afang
Wie dür ne Zouber gseht si sich sälber
imne ganz frömde Land

U da sy Fackelzüg a däm Bärg
und`rem Stärnemeer
Vo allne Syte ströme die Mönsche alli usem Tal

Imago
Imago
und die hälle Ouge sueche überall
zwüsche de Stärne es Signal
Chüel, der Wind i dere Nöimondnacht
Die vom Dorf hei ihri Töchter bracht
trage stolz die schönschte Gwänder
und ihri Bänder i de Haar

Si sälber a der Hand von ere dunkle Frou
wie im Füür lüüchte ihri Ouge ou
U si weises, si isch nümm gfange
all die Stimme
-Alls isch wahr
U da sy Fackelzüg a däm Bärg
und`rem Stärnemeer
Vo allne Syte ströme die Mönsche alli usem Tal

Imago
Imago
und die hälle Ouge sueche überall
zwüsche de Stärne es Signal