As I Was a Wand'ring Lyrics

Words Robert Burns (Public Domain)
Melody Traditional

As I was a wand'ring one midsummer's evening
The pipers and youths were makin their game
Well amang them I spied my faithless false lover
That bled a' the wounds o' my dolour again
Weel since he has left me may pleasure gae wi' him
I may be distressed but I winna complain
I'll flatter my fancy I may get another
My hairt it will never be broken for ane

I couldna get sleepin' til dawin' for greetin'
The tears trickled doon like the hail and the rain
Had I no got greetin' ma hairt it wad hae broken
For oh love forsakens a tormenting pain
Weel since he has left me may pleasure gae wi' him
I may be distressed but I winna complain
I'll flatter my fancy I may get another
My hairt it will never be broken for ane

Although he has left me for greed o' the siller
I don't envy him a' the gains he can win
I raither would bear a' the lade o' ma sorrow
Than ever hae acted sae faithless tae him
Weel since he has left me may pleasure gae wi' him
I may be distressed but I winna complain
I'll flatter my fancy I may get another
My hairt it will never be broken for ane

Weel since he has left me may pleasure gae wi' him
I may be distressed but I winna complain
I'll flatter my fancy I may get another
My hairt it will never be broken for ane