Sara stoepsit Lyrics

Sara Stoepsit staan vroeg op
Sy groet die möreson
Pantoffels aan haar voete
Sy dra 'n pienk japon
Sy voer die Voéltjies vrugte
En sy drink haar koffie swart
Eet roosterbrood met heuning
Sluk pille vir haar hart

Sara trek haar kerkrok aan
Gaan sit dan op die stoep
sy luister na kasette
van Gé Korsten en Koos Doep

Sara hoor jy die tik tak tok
Die wekker op jou spieëikas
Wag vir niemand
Sara hoor iy die kerklok slaan
Hy slaan vir jou hy slaan vir my
En die tyd, die tyd stap aan
Elfuur drink sy rooibostee
Eet karringmeikbeskuit
Sy blaai deur foto albums
Uit 'n ver verlede tyd

Hier is sy op dertien
In haar baaibroek op 'n strand
En hier op twee en twintig
Aan 'n jong soldaat se hand

Sara Stoepsit staan swaar op
Daar's koelte in die lug
Sy sleep haar voete binnetoe
Sy sluit haar deur en sug
Pantoffels aan haar voete
Sy's terug in haar japon
Sesuur in die middag
Sy groet die laaste son

Sara Stoepsit bid vir laas
Sy blaas haar kersvlam uit
En net voor sy aan slape gaan
Hoor sy die nagtrein fluit

In haar drome ry sy saam
Ketikketak ketikketak
En in haar hangkas wag 'n tas
s*****laai, nooit weer gepak