Rägetage Lyrics

Warte uf nes Änd wo nid wird cho
wüu so lang de luegsch wis rägnet
so lang rägnets
z Ändi chunt ersch denn
wenn nüm i Räge luegsch
i blibe i mim Zimmer - vilech rägnets ja für immer
I ma se nid di Rägetage
weni wider nur I Tag läbe u es rägnet abe
entweder im ne Trott weni mues
oder süsch machi nüt
starre i Räge u lose di Grüüsch
wis so prasslet z Wasser verfliesst
es isch nass uf de Strasse u Gasse es giesst
us aune Chüble, wär chas ihre scho verüble
dass si grännet, i chume immer wider i z grüble
Es geit mer guet a so Tage mani nid
i bi der Fuchs i der Höli u ga jage gani nid
starre dür d Tropfe gäg uss dür mi Schibe
u ha Mitleid mit de Bäum wo duss blibe und...
Es brucht se haut di Rägetage
e Dusche für d Seele hiuft der z Läbe ertrage
wüu a äbe so Tage steu mer äbe so Frage
si si natürlech u mache darum Sinn di Rägetage
wenn nimi mer scho d Zit starre eifach i Tag
e eifachi Frag, d Zit wär eigentlech da
Doch d Zit vergeit jede Tag uf der Jagd
nach de nächschte Todo's
bis i z Näscht u wider use aus wärschte scho drus
Äs rägnet i mi ine
und wüui zweni gränne ma so viu Räge ine
starre dür d Tropfe gäg uss dür mi schibe
mini Uhr isch blibe sta, i blibe da
I ma se scho di Rägetage
s wird nid besser we me weis dases witer äne haglet
u ja, es isch nüt, u schint morn wider d Sunne
hani grad so schnäu mini auti Form wider gfunge
I d Norm ine brunge aber hüt bringts e füechte
u d Zündschnuer isch nass
u bringt nüt zum erlüüchte
Es isch meh aus nur Tropfe räge geit unger d Hut
du hesch ke Rägeschirm u gisch mer Schärme